ᕿᑭᖅᑕᓂ ᐱᓕᒻᒪᔅᓴᐃᓂᕐᒧᑦ ᐃᓕᓐᓂᐊᑎᑦᑎᓂᕐᒧᓪᓗ ᐃᖅᑲᓇᐃᔮᔅᓴᓄᑦ ᑲᑐᔾᔨᖃᑎᒌᒍᑕᐅᔪᖅ (Q-STEP), ᓴᓇᔭᐅᓯᒪᔪᖅ ᐃᑲᔫᑎᖃᕐᓂᐊᕐᖓᑦ ᐃᖅᑲᓇᐃᔮᔅᓴᓄᑦ ᐃᑲᔪᖅᑕᐅᔾᔪᑎᒋᖃᑦᑕᕆᐊᓕᖏᓐᓂᒃ ᐃᓄᐃᑦ. ᑖᓐᓇ ᐱᓕᕆᐊᖅ ᐃᓕᑉᐸᓪᓕᕈᑕᐅᓂᐊᕐᖓᑦ ᐃᓕᓐᓂᐊᕈᑎᒋᒋᐊᓕᖏᓐᓂᒃ ᓄᓇᓕᓕᒫᓂᑦ ᕿᑭᖅᑕᓂ, ᑲᒪᒋᔭᖃᓗᐊᕐᓗᑎᒃ ᐃᓕᓐᓂᐊᓂᕐᒥᒃ ᐅᔭᕋᓐᓂᐊᓂᕐᒥᒃ, ᑎᓴᒪᓂᑦ ᐊᕐᕌᒍᓂᑦ ᐱᔭᕇᕐᕕᔅᓴᖃᖅᑐᓂ ᒫᑦᓯ 2021ᒥ.
ᐊᑕᐅᑦᑎᒃᑯᑦ ᕿᑭᖅᑕᓂ−ᑲᑐᔾᔨᖃᑎᒌᒍᑕᐅᔪᒧᑦ, ᑲᑐᔾᔨᖃᑎᒌᒃᑯᑦ ᐋᖅᑭᔅᓱᐃᓯᒪᔪᑦ ᐃᓄᓐᓂᑦ ᐃᖅᑲᓇᐃᔭᖅᑎᒋᔭᐅᔪᓐᓇᖅᑐᓂᑦ ᑐᑭᓯᐅᒪᔾᔪᑎᔅᓴᖃᕐᕕᒻᒥᑦ, ᑐᑦᑕᕐᕕᒃ, ᑖᓐᓇ ᐊᑐᖅᑕᐅᖃᑦᑕᓂᐊᖅᑐᖅ ᑐᑭᓯᒋᐊᕐᕕᓪᓗᐊᑕᐅᖃᑦᑕᕐᓗᓂ ᐃᑲᔪᕐᓗᒋᑦ ᐃᖅᑲᓇᐃᔭᖅᑎᖃᕐᐸᑦᑐᑦ ᕿᓂᓕᕋᐃᑉᐸᑕ ᐃᓄᓐᓂᑦ ᐃᓕᓐᓂᐊᕐᓯᒪᔪᓂᑦ ᐃᖅᑲᓇᐃᔮᔅᓴᓄᑦ ᐅᕝᕙᓘᓐᓃᑦ ᐃᓕᓐᓂᐊᕋᔅᓴᓄᑦ.
ᑐᑭᓯᒋᐊᒃᑲᓐᓂᕈᒪᒍᔅᓯ ᖃᓄᖅ ᐊᑎᓕᐅᖃᑦᑕᕈᓐᓇᕐᒪᖔᔅᓯ ᑐᑦᑕᕐᕕᒻᒧᑦ, ᑐᑭᓯᒋᐊᖃᑦᑕᕆᔅᓯ ᑲᑐᔾᔨᖃᑎᒌ½ᑯᓐᓄᑦ ᑎᑎᕋᕐᓗᓯ ᑕᕝᕗᖓ ᖃᕋᓴᐅᔭᒃᑯᑦ ᐃᕐᖐᓈᖅᑕᐅᑎᖓᓄᑦ Tuttarvik@QIA.CA
ᕿᑭᖅᑕᓂ−ᑲᑐᔾᔨᖃᑎᒌᒍᑕᐅᔪᒥ ᑐᕌᒐᖏᑦ ᐅᑯᐊᖑᕗᑦ: ᐊᒥᓱᕈᕆᐊᒃᑲᓐᓂᖁᓪᓗᒋᑦ ᐃᓄᐃᑦ ᐃᖅᑲᓇᐃᔭᖅᑐᑦ ᓄᓘᔮᓂᑦ ᐅᔭᕋᓐᓂᐊᕐᕕᒻᒥ, ᐱᕙᓪᓕᐊᑎᑦᑎᓗᑎᒃ ᐊᒻᒪᓗ ᐃᓕᓐᓂᐊᑎᑦᑎᖃᑦᑕᕐᓗᑎᒃ ᐱᓕᕆᐊᔅᓴᓂᑦ ᐃᖅᑲᓇᐃᔭᙱᑦᑐᓄᑦ ᐃᓄᓐᓄᑦ (ᑐᕌᒐᖃᕐᓗᑎᒃ ᐊᕐᓇᓂᑦ ᐃᓅᓱᑦᑐᓂᓪᓗ), ᐊᒻᒪᓗ ᐃᓄᓐᓂᑦ ᐸᐃᑉᐹᖅᑖᕈᑎᒋᔪᓐᓇᖅᑕᖏᓐᓂᒃ ᐊᒻᒪᓗ ᐊᓯᖏᓐᓄᑦ ᐊᑐᕈᓐᓇᖅᑕᖏᓐᓂᒃ ᐃᓕᓐᓂᐊᕈᑎᒥᓂᖏᓐᓂᒃ ᐊᔪᕈᓐᓃᕈᑎᒥᓂᖏᓐᓂᒃ ᑕᐃᒫᒃ ᐱᓇᓱᐊᕈᓐᓇᖃᑦᑕᓂᐊᕐᖓᑕ ᐊᓯᖏᓐᓂᒃ ᐃᖅᑲᓇᐃᔮᔅᓴᐅᖃᑦᑕᓂᐊᖅᑐᓂᑦ.
ᐃᓚᖏᑦ ᐱᒻᒪᕆᐅᓗᐊᕐᓂᖏᑦ ᐃᓕᓐᓂᐊᑎᑦᑎᒍᑕᐅᕙᑦᑐᓂᑦ ᑕᕝᕘᓇ ᕿᑭᖅᑕᓂ−ᑲᑐᔾᔨᖃᑎᒌᒍᑕᐅᔪᒥ ᐅᑯᐊᖑᕗᑦ:
• ᐃᖅᑲᓇᐃᔮᔅᓴᓄᑦ ᐅᐸᓗᖓᐃᔭᕐᓂᕐᒧᑦ ᐃᓕᓐᓂᐊᕐᓂᖅ
• ᐅᖁᒪᐃᑦᑐᓕᕆᔾᔪᑎᓂᑦ ᐃᓕᓐᓂᐊᕐᓂᖅ
• ᓴᓇᔭᕆᐅᕐᓴᓂᕐᒧᑦ ᐃᓕᓐᓂᐊᕈᒫᕐᓂᐊᓂᕐᒧᑦ ᐃᓕᓐᓂᐊᕐᓂᖅ
• ᐅᔭᕋᓐᓂᐊᕐᕕᒻᒥ ᐃᖅᑲᓇᐃᔮᖑᔭᕆᐊᖃᓲᓂᑦ ᐊᒻᒪᓗ ᐃᓘᓐᓇᖏᓐᓅᖓᔪᓂᑦ ᐃᓕᓐᓂᐊᖃᑦᑕᕐᓂᖅ
