ᐃᖅᑲᓇᐃᔭᐅᓂᖓ ᓘᑎ ᐸᓪᓗᖅ
ᐃᖃᓗᐃᑦ, ᓄᓇᕗᑦ – ᔪᓚᐃ 05, 2019 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᓇᓗᓇᐃᖅᓯᒍᒪᕗᑦ ᑭᒃᓵᖃᑕᐅᓂᑦᑎᓐᓂ ᐃᓱᒪᒋᔭᐅᓂᔅᓯᓐᓂᒃ ᐃᓛᒋᔪᑦ, ᐱᖃᓐᓇᕆᔭᐅᔪᑦ ᐊᒻᒪᓗ ᓄᓇᓕᖕᒥᐅᑕᐃᑦ ᐃᓅᔪᓐᓃᓚᐅᕐᓂᖓᓂᒃ ᐋᓐᓂᐊᒧᑦ ᓘᑎ.
“ᐃᓯᒪᒋᑦᓯᐊᖅᑕᕗᑦ ᓘᑎ ᐸᓪᓘᑉ ᐃᓚᖏᑦ”, ᐅᖃᖅᑐᖅ ᕿᑭᖅᑕᓃᒃᑯᑦ ᐊᖓᔪᖅᑳᖓ ᐸᐅᓗᓯ ᐊᕿᐊᕈᖅ, “ᓘᑎ ᓴᙱᔫᓪᓕᓄ ᓯᕗᓕᖅᑎᐅᓚᐅᕐᒪᑦ ᐃᓄᖕᓄᑦ, ᐱᓗᐊᖅᑐᒥᒃ ᑕᐃᔅᓱᒪᓂ ᓄᓇᕗᑖᕈᒪᕙᓪᓕᐊᓕᖅᑎᓪᓗᒋᑦ. ᐊᒃᓱᕈᓐᓂᕆᓚᐅᖅᑕᖏᑦ ᐱᔪᒪᓂᕆᓚᐅᖅᑕᖓᓂᓗ ᓴᐳᔾᔨᕐᓂᒃᒥ ᐃᓄᐃᑦ ᐅᖃᐅᓯᖓᓂᒃ ᐃᓕᖅᑯᓯᖓᓂᓗ ᐊᒻᒪᓗ ᐱᓕᕆᐊᕆᓚᐅᖅᑕᖏᑦ ᐃᑲᔪᕐᓂᖃᒻᒪᕆᓚᐅᖅᑐᑦ ᓄᓇᕗᒥ ᐃᓄᖕᓂᑦ.”
ᐸᓪᓗᖅ ᖃᐅᓱᐃᑦᑐᕐᒥᐅᑕᐅᑯᑖᓚᐅᖅᑐᖅ ᖁᑦᑎᒃᑐᒥ. ᓯᕗᓕᖅᐹᒥ ᓂᕈᐊᖅᑕᐅᓚᐅᖅᓯᒪᔪᖅ ᒪᓕᒐᓕᐅᕐᕕᖕᒧᑦ ᓄᓇᑦᓯᐊᕐᒥ 1975ᒥ ᐊᒻᒪᓗ ᑭᒡᒐᖅᑐᐃᖏᓐᓇᖅᖢᓂᒋᑦ ᑎᑭᑦᑐᒍ 1995ᒧᑦ. ᒪᓕᒐᓕᐅᖅᑎᐅᑎᓪᓗᒍ, ᐱᒻᒪᕆᐅᔪᒃᑯᑦ ᐃᑲᔪᖃᑕᐅᓚᐅᖅᑐᖅ ᐱᕙᓪᓕᐊᔪᓕᕆᓂᕐᒥᒃ ᐃᓅᓯᕐᓂ ᐱᕙᓪᓕᐊᑎᑦᓯᓂᕐᒥᒃ ᑕᐃᒪᐃᒻᒪᑦ ᓯᕗᒃᑲᕈᑕᐅᓕᓚᐅᖅᐳᖅ ᐱᙳᖅᑎᑕᐅᔪᓐᓇᖅᓯᓪᓗᓂ ᓄᓇᕗᑦ. ᐃᓕᑕᕆᔭᐅᔾᔪᑎᑖᓚᐅᖅᑐᖅ ᓄᓇᕗᒧᑦ ᐃᓕᑕᕆᔭᐅᔾᔪᑎᒥᒃ ᐱᓕᕆᐊᕆᖃᑦᑕᖅᓯᒪᔭᖏᑦ ᐃᓕᓴᕆᔭᐅᓪᓗᑎᒃ 2017ᒥ.
ᒐᕙᒪᓕᕆᓂᕐᒧᑦ ᓯᕗᓕᖅᑎᐅᖃᑦᑕᖅᓯᒪᑎᓪᓗᒍᑦ, ᑭᖑᓂᖓᓂᑦ, ᐸᓪᓗᖅ ᐊᔭᐅᖅᑐᐃᓪᓚᕆᖃᑦᑕᓚᐅᖅᓯᒪᔪᖅ ᓄᓇᓕᖕᓂᑦ ᖁᑦᑎᒃᑐᒥᒃ ᐱᓕᕆᐊᖑᖁᓪᓗᒋᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᑦ ᐊᒻᒪᓗ ᐊᕙᑎᒥᒃ. ᑲᑎᒪᔨᐅᖃᑦᑕᖅᓯᒪᔪᑦ ᐊᔾᔨᒌᙱᑦᑐᓂᒃ ᑲᑎᒪᔨᐅᕝᕕᐅᔪᓄᑦ, ᐱᖃᓯᐅᑎᓪᓗᒋᑦ ᕿᑭᖅᑖᓗᒃ ᑯᐊᐳᕇᓴᒃᑯᑦ 2002ᒥᑦ – 2019ᒧᑦ ᐊᒻᒪᓗ ᐅᓗᒃᑯᑦ ᑲᑎᒪᔨᖏᓐᓄᑦ ᐱᓕᕆᐊᖃᓚᐅᖅᑐᓂᒃ ᕿᑭᖅᑖᓗᒃ ᑯᐊᐳᕇᓴᒃᑯᓐᓂᑦ 2000ᒥᑦ−2002ᒧᑦ.
ᐸᓪᓗᖅ ᐃᔾᔪᐊᕆᔭᒃᓴᐅᓚᐅᖅᑐᖅ ᐊᒥᓱᓄᑦ ᐃᓄᖕᓂᑦ ᐊᒻᒪᓗ ᖃᐅᔨᒪᓂᖏᑦ ᐊᒻᒪᓗ ᒥᑖᖃᑦᑕᕐᓂᖓᓗ ᑭᖑᓂᖄᓈᕆᔭᐅᓂᐊᖅᑐᑦ ᓄᓇᕗᒥ ᐃᓄᖕᓂᑦ.